No Vex Uncle Coro~Judaisky Cares


Dear Uncle coro, e don shele-
I no know who vex you laidis
Wey make you just dey treat
Our fuck up one by one ehn!
Baba Coro no vex, I Sabi say
You no wicked reach Ebola.

But coro coro, corolicious coro-
E don comot for child play oo-
People Don dey die like fowl
Even footballers self don die
Finish. Oga coro, e don do na-
Na beg I dey beg, I no pride.

Kasala don burst
Yawa don gas fa!
Mama dey fear
Pikin weh dey cough
Even police no dey
Collect *white* if you cough

You see say uncle Buuubuu
Don tell dem to block border-
Close church, close mosque and
Parties where we dey go high
In the most high. Sweet Coro-
Otoge na, na wetin APC talk fà.

Coronna, coronne oma-
Things Don scatter finish-
Every school don close fa-
Even markets self dey under
Maybe because na crowd we
Wan take style limit small.

But corolistic coro-
Shey no be die we
Dey so if dem close
Market? Everywhere
Go dey corrosive even
You self no go enjoy am.

See drama weh you give
Naija so, person no fit cough
In peace, you no fit scratch
Your body and shake person.
Even uncle Buuubuu self no dey
Shake again, abeg e don do o.

Na hunger remain now if
You no gree leave us, and
Na all of us go suffer am o.
No look our pride, we no go
Form again, infact, we dey loyal
Pass loyal milk, just leave us jeje.

Coro, no kill us for matter
Wey we no know na abeg-
Sheby na dem China dey
Chop life rat and snake-
We no join dem, abeg shift
Small make we breathe na.

Coro!, coro!! coro!!! How many
Times I call you? You no say
Your matter Don tire our dibịa
And babaláwo but no forget
Say Baba God dey, waka jeje
Or make I call am to come tidy your matter.
I stand at bay watching-
Learning the language of my ink-
Learning how to handle my pen.


 819 total views,  2 views today

Author: Judaisky

Judaisky is a young writer who believes the world can only be saved PEACEFULLY through the tidings of the ink cos the pen is mightier than the sword. Do You want to know more about me, contact me 09039956005

1 thought on “No Vex Uncle Coro~Judaisky Cares

Leave a Reply

Your email address will not be published. Required fields are marked *