Baba, na your grace,
Ya kin love no be koni koni love, e no dey anoda place
Ya love for we life dey make us kolomental, we dance alanta
Nah sake of say you dey gidigba we dey jukpa, dance azonto
Na efriday we dey see danger but you dey alert us
We pakurumo dey go inside ya light where wahala no dey
Ya love dey hala kokoroko when devil try kalangu with us

9ja jaga jaga, poor man dey shout oleku,
As the rich dey sing oti yan yan. If no be ya love
Na how we masses wan take survive for dis wicked world?

Aproko people full ground, dem no gbadun our waka
Na under ya odeshi umbrella we hide for korekt protection
Make the bullets of evil people no for see us

We sabi the kin life we dey live, no be say we holy pass
Still you dey make us fly over the moon with ogologondu
Baba God, nah you we dey luk as this lyf foka sibe

As we go just dey kukere dey groove for this year
With joy of anointed iworiwo for our lips,
And our joy go dey boil with putu putu na ofe
Even when them fire us katapot of envy.

Your love na serious love nwantintin
Na im dey make us dance soapy
If we no praise you wetin we gain
Because, you no dey rest for our case
You love for me no get two phases
Baba, we praise you for another year
If no be you we for done go solo.


 390 total views,  2 views today

Author: Judaisky

Judaisky is a young writer who believes the world can only be saved PEACEFULLY through the tidings of the ink cos the pen is mightier than the sword. Do You want to know more about me, contact me 09039956005

Leave a Reply

Your email address will not be published. Required fields are marked *