TUALE FOR BABA
Like play like play e don happen-
I close eyes come open am for
2020. Baba tuale for you cos
Na only you fit do magic like this.
My enemies wan chop me like
Item 7 but you show them say
I be posion, Dem no fit chop me.
Baba I cut cap for you oo.
Baba, when kasala wan burst
For my life, na you patch am
With Your original super glue
So tey I come dey alright las las.
When accident wan chop my
Head like pepper soup, na you
Talk say make em hold on cos
My head no be for Peper soup.
Tuale for Baba, you know say I
Never blow and I no get better
Thing to give you but I carry
Praise weh David give you come.
You look me so tey, come bless
Me with better family and friends
Wey get sense small, I loyal Baba
Cos no gift better pass family and friends.
Wetin I fit give you wey go make
You happy cos you talk say you
No dey chop Shawarma or new
Year chicken and rice weh I get.
Baba, you talk say make I no
Fear, say you be my back man
And defender weh pass Ramos
And Van Dyke wey dey Liverpool.
Baba, if no be you, wetin I fit do
For life? Hunger for Don tear me.
If no be you, I for don follow 2019
Waka like person wey no get mama.
Baba, how many make I count?
You too much jàre. Shuu? Sheby
Na you arrange goodness and mercy make Dem be my body guard.
You do well Baba. Sha no make
My matter tire you. Remember
Say I never blow like my village
Transformer, no forget me this year abeg.
I stand at bay watching-
Learning the language of my ink-
Learning how to handle my pen.
628 total views, 6 views today