Five seconds baba God-
Only Five seconds change
Many people matter for life.
Unto say you be oga pátápátá.
Five seconds you turn fire to
Air conditioner, still arrange
One of your angels to come
Play with them for fire, Baba.
No be you turn red sea to
Federal road again? Your
Own America wonder no be here; even Jet li dey learn from you self.
Na only two kpanla and five
Captain Cook bread feed a
Whole country still remain
Take away for people like me.
After every every Hannah carry
Belle, las las bros Job make am.
Sheby na you turn fish belle to
Bank, wetin you no fit do Baba?
Bàbá, year Don dey end oo
You know say na die minutes
Answer sheets dey full pass-
Bàbá answer my call, abeg.
Abeg I need Your Nollywood
Magic wey dey make poor
Person travel Lagos come make
Am, abi make I go Lagos Baba?
Baba no sleep for my matter cos
You talk say you no fit sleep on
Top the matter of your pikin.
Na now I need your Merlin magic.
Baba come fall my wall of Jericho
Turn my red sea to federal road.
Because your son wey Dem born
I no see better gift give am at all.
Baba, I no want make hunger dey
Tear me again abeg, help me biko.
I know say you Don hear, and I
Believe say you Don do am, Amen.
I stand at bay watching-
Learning the language of my ink-
Learning how to handle my pen.
1,195 total views, 3 views today